جمل تعشق المرأة سماعها وتنهار أمام من يقولها

استعرض الموضوع السابق استعرض الموضوع التالي اذهب الى الأسفل

جمل تعشق المرأة سماعها وتنهار أمام من يقولها

مُساهمة من طرف medo samy في الخميس مايو 17, 2007 4:00 am

جمل تعشق المرأة سماعها وتنهار أمام من يقولها

البنات فيهم رومانسية أكتر .. ممكن، طب ممكن يكون عقلهم صغير .. ممكن برضه، أم يمكن يكونوا مطرقعين شويتين .. ده شيء مؤكد.
يعني لو الراجل بيحب واحدة وبيعمل حاجات كتير عشان يسعدها، عمرها ما هتقدره ولا تحس بيه إلا لما يقولها الـ 10 جمل دول، ولو ماقلهومش يبقى مش رومانسي ومبيفهمش وجلنف.



"عملتي إيه النهاردة"
الجملة دي بتحسس البنت إنها واخدة واحد مهتم بيها وبتفاصيل يومها وبمشاغلها، رغم إن أخطر حدث يكون حصلها في اليوم ده إن ضافرها يكون اتقصف وساوته بالمبرد.

"مش قادر أقولك انتِ جميلة أد إيه النهاردة"
تتنيح وبحقلة وتسبيل وسرحان ونظرة فاحصة في أماكن متفرقة من البنت ثم قل لها الجملة الموجودة في العنوان وهي "مش قادر أقولك انتِ جميلة أد إيه النهاردة"، هتلاقيها حست بنفسها وبأنوثتها وإنها عاملة أحلى شغل ومأثرة فيك جدا.


"إيه رأيك في .... "
الدراسات النفسية أثبتت أن البنات بتحب تقول رأيها وتعبر عن مشاعرها تجاه أي موضوع، يعني عايزة تلت وتعجن في أي موضوع وتقول فيه كلمتين سواء رأيها عن شخص أو قضية أو أي حاجة، ولذلك عليك أن تسأل عن رأيها في كل شيء حتى لو لم تكن مؤهلة للرد.


" انت اجمل واحدة في أصحابك"
بما إن كل شلة بنات مبيبقوش طايقين بعض وبيغيروا من بعض جدا حتى لو عملوا فيها أصحاب، إلا أن المنافسة على لقب الأجمل لا تمحوها الصداقة، فكل واحدة بتبقى عايزة تبقى الأجمل، وكل واحدة بتبقى عايزة تولع في صاحبتها الأحلى منها، أو تولع في صاحبتها إللي أوحش منها وفاكرة نفسها حلوة، وعليك يا بطل أن تستغل النقطة دي وتكسب حبيبتك لصفك وتقولها "انتِ أحلى واحدة في صديقاتك" وبذلك ثق تماما انها هتموت في التراب إللي انت ماشي عليه.


"انتِ ذكية جدا .. دماغك دي ذرية"
طالما إن البنت نفسها تبقى الأفضل بجانب رغبتها في أن تكون الأجمل، فعليك أن تستغل هذه الرغبة وتشعرها بأنها قمة في الذكاء وأن عقلها ذري ولماحة وبتلقط حاجات كتير وهي طايرة، وخليك على نفس الموال ده في أي موقف هي تعمله، يعني لو قلتها "أنا نفسي أخرج اتفسح عشان زهقان" وهي ردت عليك وقالت "شكلك كدة زهقان وعايز تتفسح" فعليك أن ترد فورا "إيه الذكاء ده .. إيه العبقرية دي" .



"أنتِ ناعمة ورقيقة خديني بين إيديكي"
كلما شعرت المرأة بأنوثتها معك كلما كنت ملكا متوجا على عرش قلبها، وعليك أن تذكرها دائما أنك لا تحب عقلها وشخصيتها فقط ولكنك ترغبها بسبب جمالها وجاذبيتها.


"نفسي أعيش طول عمري معاكي"
الجملة دي بتحسسها بالأمان وبتخليها سعيدة لأنها وجدت الاستقرار مع من يحبها طوال العمر

"أنتِ صديقتي المفضلة"
أحيانا تغير شريكتك من صداقاتك المتعددة حتى ولو مع الأولاد، وهنا عليك أن تعدي الموقف على خير وتقولها إنها أفضل صديقة له على الإطلاق.



"ستكونين أما عظية"
وهذه الجملة تأتي في إطار الجمل التي تشعر البنت بأنوثتها وبمستقبلها المشرق وبحنانك عليها


"حياتي بدأت من جديد معاكي"
طبعا انت ليك ماضي، ونفسك حبيبتك متسألكش عن الماضي ده، وهنا يا بطل خليك رومانسي وجريء وقولها "مبلاش نتكلم في الماضي" وإن حياتك بدأت من جديد معاها وبقى ليها طعم تاني

_________________


avatar
medo samy
مشرف منتدى كرسى الاعتراف
مشرف منتدى كرسى الاعتراف

ذكر
عدد الرسائل : 2745
تاريخ التسجيل : 28/04/2007

معاينة صفحة البيانات الشخصي للعضو http://www.mazikana4all.tk

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى